Total de visualizações de página

terça-feira, 8 de julho de 2014

...e finalmente, Gmail en Galego e 12 novas línguas!

Aínda hai unha barreira importante que precisamos superar para facer o correo-e verdadeiramente universal: a linguaxe. Gmail xa estaba dispoñible en 58 idiomas, e hoxe ese total pasa a 71, cubrindo o 94 por cento da poboación do mundo de Internet, e achegándose ao obxectivo de asegurar que poidan utilizar o Gmail sin importar o idioma no que escriben.

Official Gmail Blog: Thirteen new languages for Gmail

segunda-feira, 15 de outubro de 2012

Estofado polaco de xabarín (Bigos). Cociñando o xabarín amodo e devagar


 O xabarín

O xabarín ou porco bravo é carne magra que debe ser cocida a temperaturas máis baixas que outras carnes. Evitar o exceso de cociña. Unha regra de ouro para o lume e o cociñado de xabarín é "baixo e lento".  O tempo depende da súa preferencia persoal, se o quere ben feito ou "ao punto". As costeletas, o mellor é cociñalas con salsa para obter mellores resultados, ou se o prefire, fritilas a lume medio. Sempre comprobe a miúdo para non cociñar demais. O xabarín é excelente churrasco. A súa carne preparada correctamente, é saborosa e moi suave.
 
Ao preparar xabarín para cociñar lembre non desconxelar ou cociñar esta carne no microondas, que o vai facer moi duro e seco. Desconxele lentamente a carne o día anterior e deixe marinar durante a noite para mellores resultados. O marinado en zume de ananás (piña) ou viño é unha opción particularmente boa porque contén unha encima que quebra a fibra muscular. Por iso, é altamente eficaz para abrandar a carne.

A leve capa de graxa do xabarín pode ser facilmente cortada. Pero moitos cociñeiros cren que a capa de graxa axuda a reter a suculencia.


 Ingredientes: Estufado polaco de xabarín

1 kg carne de xabarín, en cubos
1/4 kg touciño magro, en tacos
3 cuncas de cogomelos silvestres
2 cebolas
2 dentes de allo
4 mazáns medianas
3 tomates medianos
2 cenouras grandes
2 cuncas de champiñóns laminados
1 caixa de ameixas pasas (menos de 20)
bagas de cimbro (opcional, eu usei uvas do país)
Aceite  

2 cuncas de caldo de carne ou de vexetais 
3 vasos de cervexa escura 

1 culler de ouregos
1 culler de tomiño
2 culleres de pementa verde
Sal e pementa

1 frasco de chucruta 
Salchichas afumadas polacas (eu cambiei por butifarra catalá) 
Salchichas frescas. 

Receita: Estufado polaco de xabarín

Mergulle en auga os cogomelos silvestres (se son secos) durante a noite, ou desconxele se os ten conxelados.

Lave e corte a carne de xabarín e o touciño. Quenta o aceite nunha pota grande. Frita o touciño,
cociñando ata quedar crocante, separe da graxa e reserve-o, xa que ten que fritir despois o xabarín na mesma graxa.

Descasque e pique a cebola e o allo, engada a carne e frita xunto.

Aliñe a carne con sal, pementa ouregos e tomiño. Engada as cenouras (se xa as ten cocidas deixe para o final), os tomates e as mazáns en pedazos grandes. Bote o caldo ea cervexa.



 Enxugue os cogomelos silvestres e engádaos xunto coa carne.

Cubra e refogue durante 1 hora como mínimo.

Limpe e corte os cogomelos brancos e engádaos ao ensopado 20 minutos antes do fin. Eu aquí tamén lle botei un par de Boletus apañados no día.

Engada tamén as uvas e as ameixas pasas (secas) cortadas ao medio e sen semente. Se vai facer a chucruta pode reservar unha parte pra iso. 

Refogue a chucruta e as salchichas co caldo (separado do que xa leva feito, ou se non ten bastante pode facer mais coa cervexa e o caldo). Cando a chucruta fique branda e as salchichas cociñadas, pode engadir as ameixas pasas que reservou. Pode mesturar con o estufado de xabarín, ou servir separado. 

Este estufado gaña co tempo, estando mellor no segundo día. A carne de xabarín pódese substituír por porco, por exemplo perna ou codillo.



terça-feira, 13 de abril de 2010

A historia das cousas, producción consumo e lixo - 17 Translation(s) | dotSUB

Link

Dende a súa extracción ata a venda, uso e descarte, todas as cousas na nosa vida afectan comunidades locais e no exterior, pero a maioría disto é oculto da nosa vista a propósito. A Historia das Cousas dura uns 20 minutos, dando unha rápida ollada aos  feitos embutidos nos nosos patróns de produción e consumo. A Historia das Cousas expón as conexións entre un enorme número de cuestións ambientais e sociais, e chámanos en conxunto a crear un mundo máis sostible e xusto. Vai ensinarlle algo, vai facer vostede rir, e pode cambiar para sempre o xeito no que mira todas as cousas na súa vida.

 Podes ver o vídeo aquí


Be Linux my friend: Programa PADRE para GNU/Linux

Link

Por se usades ou coñecedes a alguén que use GNU/Linux e queira usar o programa PADRE para facer a declaración, por fin pódese facer.


terça-feira, 9 de fevereiro de 2010

Symbian é libre!


Symbian liberou o seu código, xa Nokia o prometeu 2 anos atrás e hoxe, catro meses antes do previsto, symbian é agora oficialmente "Open Source Software"

Baixo Licenza EPL (Eclipse Public License) Nokia liberou máis de 40 millóns de liñas de código fonte de Symbian. Na web da Fundación Symbian, anuncian con alarde a noticia dicindo que "o futuro do teléfono móbil é aberto".

Symbian agora é libre de ser moldeado ao gosto dos desenvolvedores de todo o mundo, e débese ter presente que Symbian está non só na Nokia, se non en outras marcas como a Samsung, Panasonic, Sony Ericsson e Motorola, dando pé a que un puñado de desenvolvedores poida modificar a vontade o famoso sistema operativo. Esta decisión prematura de Nokia para symbian open source é motivada polo gran aumento da fama do concorrente Android, no entanto, Lee Williams da Fundación Symbian comentou: "Cerca dun terzo do código do Android é aberto e nada máis. E o que está aberto é unha colección de middleware. Todo o resto é pechado ou propietario". ";É a maior migración de todos os tempos ao código aberto", dixo o propio Williams.

Ademais, esta decisión de Nokia, deixa claro o anuncio da migración gradual ao sistema operativo Maemo, que dará moita máis capacidade as súas futuras terminais de última xeración.

Symbian é libre!